Сар гаруйн өмнө, аналог хувьсгал энтр гээд бяцхан блогынхоо хирээр чарлаад байсан би өнөөдөр бүхэл өдрийн турш интернэтийн ард, гайхамшгийг нь биширч өнгөрөөлөө. Дижитал орчноос хүссэн ч холдож болохгүй юм байна гэдгээ ухаарлаа. Ууланд гараад даяанчлаад явбал зорилгодоо хүрч магад юм лдаа. Интернэт болон дижитал төхөөрөмжийн хэрэглээг зохих хэмжээнд хязгаарлаж ч чадахгүй юм байна. Нэг хэсэг овоо хөндийрч байснаа өнөөдөр гэнэт нэг зүйл санав. Томас Фрийдман ахын хэлсэн "Намайг унтаж байхад..." гэдэг үгнээс нь айчихлаа. Шууд утгаараа бол намайг унтаж байхад Америкд амьдрал ид өрнөөд надтай чацуу Стан гэгч залуу Станфордын их сургуулийхаа "Олон улсын Эдийн Засаг" гэсэн хичээлдээ сууж байгаа. Өдөр ирэх бүр өрсөлдөөн хавтгайрах энэ Дэлхийд хэзээ нэгэн цагт Стан бид хоёр хамтрагч эсвэл өрсөлдөгч болохыг хэн үгүйсгэх вэ. (Жаахан мөрөөдөв)

Нөгөө талаар, би энд аналог энтр гэж хэнээрхэж байхад шинэ технологи, мэдээ мэдээлэл гэдэг чинь намайг "сэрээлгүй" хажуугаар өнгөрчих болтой юм. Ер нь та бүхнийхээ зөвөлгөөг дагаж "сэрэхээр шийдлээ" Харин интернэтийн зохистой хэрэглээний талаар зөвлөж байхыг чин сэтгэлээсээ хүсмээр байна.

Ер нь юм бүхэнд баланс гэж байх шиг байна. Тэрнийг нь "алтан дундаж" гэх юм. Алтан Дундаж-аа бариад байвал ч амьдрал шиг амархан юм байхгүй болтоймаа.